دل میں اب یوں ترے بھولے ہوئے غم آتے ہیں - فیض احمد فیض

دل میں اب یوں ترے بھولے ہوئے غم آتے ہیں

جیسے بچھڑے ہوئے کعبہ میں صنم آتے ہیں

ایک اک کر کے ہوئے جاتے ہیں تارے روشن

میری منزل کی طرف تیرے قدم آتے ہیں

رقص مے تیز کرو ساز کی لے تیز کرو

سوئے مے خانہ سفیران حرم آتے ہیں

کچھ ہمیں کو نہیں احسان اٹھانے کا دماغ

وہ تو جب آتے ہیں مائل بہ کرم آتے ہیں

اور کچھ دیر نہ گزرے شب فرقت سے کہو

دل بھی کم دکھتا ہے وہ یاد بھی کم آتے ہیں

dil meñ ab yuuñ tire bhūle hue ġham aate haiñ

jaise bichhḌe hue kaabe meñ sanam aate haiñ

ek ik kar ke hue jaate haiñ taare raushan

merī manzil kī taraf tere qadam aate haiñ

raqs-e-mai tez karo saaz kī lai tez karo

sū-e-mai-ḳhāna safīrān-e-haram aate haiñ

kuchh hamīñ ko nahīñ ehsān uThāne kā dimāġh

vo to jab aate haiñ mā.il-ba-karam aate haiñ

aur kuchh der na guzre shab-e-furqat se kaho

dil bhī kam dukhtā hai vo yaad bhī kam aate haiñ