کیسے بتاؤں میں تمہیں
میرے لئے تم کون ہو
کیسے بتاؤں۔۔۔۔۔
کیسے بتاؤں میں تمہیں
تم دھڑکنوں کا گیت ہو
جیون کا تم سنگیت ہو
تم زندگی، تم بندگی
تم روشنی، تم تازگی
تم ہر خوشی، تم پیار ہو
تم پریت ہو من میت ہو
آنکھوں میں تم، یادوں میں تم
سانسوں میں تم، آہوں میں تم
نیندوں میں تم، خوابوں میں تم
تم ہو میری ہر بات میں
تم ہو میرے دن رات میں
تم صبح میں، تم شام میں
تم سوچ میں، تم کام میں
میرے لئے پانا بھی تم
میرے لئے کھونا بھی تم
میرے لئے ہسنا بھی تم
میرے لئے رونا بھی تم
اور جاگنا سونا بھی تم
جاؤں کہیں، دیکھوں کہیں
تم ہو وہاں، تم ہو وہیں
کیسے بتاؤں میں تمہیں
تم بن تو میں کچھ بھی نہیں
کیسے بتاؤں میں تمہیں
میرے لئے تم کون ہو
یہ جو تمہارا روپ ہے
یہ زندگی کی دھوپ ہے
چندن سے ترشا ہے بندن
بہتی ہے جس میں اک اگن
یہ شوخیاں، یہ مستیاں
تم کو ہواؤں سے ملی
زلفیں گھٹاؤں سے ملی
ہونٹوں میں کلیاں کھل گئیں
آنکھوں کو جھیلیں مل گئیں
چہرے میں سمٹی چاندنی
آواز میں ہے راگنی
شیشے کے جیسا اجالا
پھولوں کے جیسا رنگ ہے
ندیوں کے جیسی چال ہے
کیا حسن ہے کیا حال ہے
یہ جسم کی رنگینیاں
جیسے ہزاروں تتلیاں
بانہوں کی یہ گولائیاں
آنچل کی یہ پرچھائیاں
یہ نگریاں ہیں خواب کی
کیسے بتاؤں میں تمہیں
حالت دلِ یتاب کی
کیسے بتاؤں میں تمہیں
میرے لئے تم کون ہو
میرے لئے تم دھرم ہو
میرے لئے ایمان ہو
تم ہی عبادت ہو میری
تم ہی چاہت ہو میری
تم ہی میرا ارمان ہو
تکتا ہوں ہر پل جسے
تم ہی تو وہ تصویر ہو
تم ہی میری تقدیر ہو
تم ہی ستارہ ہو میرا
تم ہی نظارہ ہو میرا
یوں دھیان میں میرے ہو تم
جیسے مجھے گھیرے ہو تم
پورب میں تم پچھم میں تم
اُتر میں تم دکشن میں تم
سارے میرے جیون میں تم
ہر پل میں تم ہر چن میں تم
میرے لئے رستہ بھی تم
میرے لئے منزل بھی تم
میرے لئے ساگر بھی تم
میرے لئے ساحل بھی تم
میں دیکھتا بس تم کو ہوں
میں سوچتا بس تم کو ہوں
میں جانتا بس تم کو ہوں
میں مانتا بس تم کو ہوں
تم ہی پہچان ہو
کیسے بتاؤں میں تمہیں
میرے لئے تم کون ہو
کیسے بتاؤں۔۔۔!!
Comments
Post a Comment